حكمه على ظهر ميكروباص

حكمه على ظهر ميكروباص

***************

*العشم بزياده يخلي قفاك سجادة

*لما تحس إبقى إديني حس

*إتفرج عليا وإشبع من اللي ناقصك

*مسير القرد اللي فاكرك ملكش عوزه يجي يتنطط عشان تديله موزة

*العشره مش هانت دي إتهانت

*إحنا سيبنا الملعب للعيال تلعب

*فكرناهم رخاص طلعوا مجانا

*طنش تتحب تهتم تتركن على جنب

*مايخليش الجرح يلم ... غير صوت ال ATM

*لو جاى فى عشم ومحبة .. أنا لسه موزع آخر حبة

*اللى سابنا وجرى .. إتقلب على الدائري

*أعز ما ليا البطاطس المقلية

*الكاش ينهي النقاش

*اللى بفلوس رخيص

*في وسط العتمة هتلاقي نور إطفيه ونام

*مهما عليتوا أنا فوق مستنيكوا

*اللي جاي طرش عشان اللي فات ما طمرش

*يكفيك شر المصدي لما تلمعوا الأيام

*خسارة قليل الأصل مكسب

*اللي مش فاضيلك ما تفضلوش

*كله كان كويس لغاية ماعرفناه كويس

*الأندال في عيون بعض جدعان

*تشتغل بدراعك تاكل عيش تشتغل بدماغك تشتري فرن العيش

*مسّيلي على نفسك

*العين اللي ما تحبكش هتكرّه الناس فيك

*أفعالك رجعالك .. فامتبقاش تتخض منها

*الشدة لما شدت بزيادة .. فضحت اللى قالوا رقبتى سدادة

*ماتبصش لرزق غيرك ، عشان رزقك هايعدى من جنبك ومش هتشوفه

*همك مايهمش غيرك

*مش بالعشرة .. باللى يستاهل

*مش كامل .. بس مش ناقصك

*الإفراط فى العطاء بيعلم الناس البجاحة

*اللى واخد على النقص يفتكر الجدعنة كمين

*خليك دغري مهما كان الشمال مغري

*أنا مش قادر أستطيع

*حتى لو الكل باعك خليك متفائل فأنت الأكثر مبيعاً

*ماتخليش العشم ياخدك لبعيد عشان هتتعب وانت راجع لوحدك

*لما تبقى كاشير إبقى تعالى حاسبني

*ومن تك تك لنا تك تك ناله

*بطل تفتح صفحة جديدة مع ناس بتشخبط كثير

*ما حدش هيشيل همك بس عايزين يعرفوه

*إعمل عبيط وإنت فاهم بس بلاش تعمل فاهم وإنت أصلاً عبيط

*يا ليل حزين قمرك ما جاشي

*اللي متربي علي الغز يشم أيده يشبع

*متخفش يا رايق السماح اللي سايق

*اللي ربنا مخبيه، أحسن من اللي أنا نفسي فيه

*عاشر السبع ولو أكلك ولا تعاشر النذ ولو حملك

*الباشا من هيبته تينشتم في غيبته

*اللي تمامه الجنيه مقدور عليه

*العيب مش في الحديده دا في السواقين الجديده

*عذاب الكيه ولا عشق البنيه