شجرة الفل - زهور المعرفة

شجرة الفل

*****

كيف تجعل مزهرة طول السنه:

1- التربة :أفضل تربة للفل التربة الرملية المخلوطة بالطمي والسماد .. بنسبة 50% رمل 25% طمي 25% سماد عضوى كامل التحلل

2- الشمس : الفل مش بيحب الشمس الحارقة نهائي لكن يحب الضل فأفضل شىء ليه شمس الساعات الأولى على الأقل 4 ساعات شمس الصباح الهادئة

3- تالت حاجة التسميد .. ودا ضرورى جدا لازهار الفل وخصوصا أن الفل عاشق للحديد المخلبي فيفضل تسميده بال npk متوازن كل أسبوعين والاسبوع التالت بالحديد المخلبي وهكذا طول فترة نشاطه فى الصيف، طبعا فى الشتاء نقلل التسميد لمرة فى الشهر

4- رابع حاجة مهمة .. قطف الزهور باستمرار وعدم تركها ع النبات حتى يجدد نفسه وينتج زهور أكثر وأكثر كلما ازالنا النزهور المتفتحة .. وممكن ادخالها بالمنزل لتضيف عبقها الجميل .