عضة كلــب - زهور المعرفة

عضة الكلــب

*****

اذا عضك الكلب لابد ان تعمل ثلاثة أشياء حتى لو كل الناس بتقولك اعملهم، غالبية الناس بيعملوا نفس الغلطة أول خمس دقايق بعد العضة، والغلطة دي ممكن تكلفهم حياتهم، أولا انت لست أمام جرح عادي، في سباق مع فيروس السُعارRabies هذا الفيروس لو وصل للمخ نسبة الوفاة 100% وملوش علاج في العالم كله،ولا تفعل ما يلي :-

1- لاتضع بُن على الجرح عشان توقف الدم، دي كارثة! البُن بيعمل كتلة خشنة بتحبس لعاب الكلب المليان فيروس جوه الجرح وبتحميه من الماية والصابون انت كده بتحفظ الفيروس جوه جسمك بإيدك.

2- لا تربط فوق العضة بحزام جامد، لأنه ليس سم وماشي في الدم والحقيقة: السُعار بيمشي في الأعصاب زي سلك الكهربا مش في الدم، الرباط مش هيوقفه لحظة، بس هيقطع الدم عن إيدك ويعمل غرغرينا وممكن توصل للبتر!

3- لا تخيط الجرح عشان شكله وحش وممنوع طبياً تتخيط عضة الكلب في الأول لأن الفيروس ده بيحب المكان المقفول اللي مفهوش هوا، لما بتخيطه انت بتوفرله فندق 5 نجوم يتكاثر فيه!

والبروتوكول المنقذ في 3 خطوات:

الخطوة 1 - الصابون هو البطل: انسى المطهرات الغالية فيروس السعار حواليه غلاف دهني مفيش حاجة بتدوّبه غير الصابون العادي! افتح الحنفية واغسل الجرح بماية جارية وصابون لمدة 15 دقيقة كاملة بدون توقف أهم من المصل نفسه.

الخطوة 2 - سيبه مكشوف، سيب النزيف البسيط يطرد اللعاب، وممنوع تغطي الجرح ببلاستر أو شاش مكتوم، لازم يتهوى.

الخطوة 3 - اجري على الحميات في أول 24 ساعة،

هناك هيدوك المصل حوالين الجرح عشان يحاصر الفيروس + جدول اللقاح.

الخلاصة

حياتك مش مجال للجدعنة والوصفات البلدي، السعار ملوش فرصة تانية

الماية + الصابون + المصل = هما طوق النجاة الوحيد