أسرار الرجله - زهور المعرفة

أسرار الرجله

*****

** الرجلة هي أعلى نبتة خضراء تحتوي على أوميجا 3 نباتي (ALA)

والمفاجأة الصادمة إنها بتحتوي كمان على آثار من (EPA) وهو نوع الأوميجا 3 فائق الأهمية لصحة شرايين القلب والمخ، واللي كنا مقتنعين إنه حصري في الأسماك الدهنية فقط!

** كمان فيها أعلى تركيز مسجل للميلاتونين الطبيعي في عالم النباتات الخضراء، (أضعاف الموز والكرز) عشان كده طبق منها بالليل كانك اخدت منوم حيوي طبيعي

** ومن اكبر المفاجآت انها من النباتات النادرة جداً اللي بتصنع الدوبامين داخل نسيجها وده بيفسر سر إحساس النشاط، والتركيز، ومقاومة الخمول اللي بتديه للجسم.

** ومن احلي واغرب الحاجات اللي فيها انك لو قطفتها الصبح بدري، بتلاقي طعمها لاذع وحامضي لأنها مليانة "حمض الماليك" (نفس المركب اللي بيتباع مكمل غذائي لإنتاج الطاقة وعلاج متلازمة الإرهاق المزمن). ولو أكلتها بعد العصر، الشمس بتحول الحمض ده لسكريات معقدة وألياف هلامية ملطفة لجدار المعدة.

** ده غير بقي ان فيها

** فيتامين E فيها أعلى بـ 7 أضعاف من السبانخ،

** ومليانه الجلوتاثيون (اقوي مضادات الأكسدة لتنقية الكبد)،

** والبيتالين اللي بيحمي الشرايين من أكسدة الكوليسترول الضار.

** ده غير بقي انها تتفوق في دراسات سريرية صادمة (عن الأدوية الكيميائية)

** اولا منافسة دواء الربو (Theophylline)

تجربة قارنت مستخلص الرجلة المغلي بدواء الثيوفيلين الموسع للشعب، وأثبتت نتائج متقاربة جداً في فتح مجرى التنفس وتحسين وظائف الرئة بفضل تأثيرها على مستقبلات بيتا وقنوات البوتاسيوم في القصبات.

**بديل الميتفورمين للسكري ( الجلوكوفاج) الأبحاث على مرضى السكر من النوع الثاني أثبتت أن مسحوق بذورها بينشط نفس المسار الإنزيمي (AMPK) اللي بيستهدفه الميتفورمين؛ فبيخفض السكر التراكمي (HbA1c)، ومقاومة الإنسولين، والدهون الثلاثية.

** كمان مسحوق بذور الرجلة أثبت قدرة سريرية على تقليل نزيف الرحم الشديد بنسبة وصلت لـ 70%، بفضل تأثيره القابض والمنظم لحركة البروستاغلاندينات.

** مكافحة دهون الكبد (NAFLD)

جرعات مقننة من بذورها خفضت إنزيمات الكبد المرتفعة ( ALT و AST )وقللت مؤشرات الالتهاب الصامتة بالجسم زي الـ (hs-CRP) والـ (TNF-α)

** كمان كريمات دكتور باربرا شتورم الألمانية اللي بتتباع بآلاف الجنيهات قايمة على مستخلص الرجلة؛ لأنها بتحفز الإنزيم المسؤول عن حماية أطراف الكروموسومات وتأخير شيخوخة الخلايا، وكمان تتفوق في التئام الحروق على مراهم السلفاديازين التقليدية!

** حتي المعده وقرحها تخيلوا المادة الهلامية (Mucilage) اللي في سيقانها بتبطّن جدار المعدة زي دوا "السكرالفيت"، وبتمنع التصاق جرثومة المعدة الحلزونية (H. pylori) بالأغشية المخاطية.

· كيفية أستخدمها :

الرجلة بتتعامل زي الخضار الورقي، لكن السر في طريقة الاستفادة القصوى منها:

· سلطة الرجلة بالزبادي (الطريقة المثالية علمياً)

· مطبوخة زي السبانخ (بالطشة التقليدية).

· مشروب الصباح الأخضر Detox Smoothie

اضرب قبضة من الرجلة في الخلاط مع خيارة، وعصير نصف ليمونة، وتفاحة خضراء، وكوب ماء.

· مشروب جبار لترطيب الجسم ومقاومة الإجهاد.

· كمان هتلاقي

بذور الرجلة بتتباع عند العطار؛ خد معلقة صغيرة مطحونة (حوالي 3-5 جرام) على كوب ماء دافئ أو مع طبق زبادي صباحاً أو قبل الوجبة الرئيسية.

· السلق السريع (للناس اللي بتقلق من الحصوات ):

· حطها في مية مغلية لمدة دقيقة أو دقيقتين بس، وصفّي المية وارميها؛ الخطوة دي كفيلة بنزع معظم حمض الأوكساليك، وبعدها استخدمها في أي طبق تفضله.

· أهم شئ انتبه-- لقنبلة الأوكسالات (ممنوعة لمرضى حصوات الكلى)

الرجلة من أعلى النباتات احتواءً على الأوكسالات، لو عندك استعداد وراثي لحصوات أوكسالات الكالسيوم، بلاش إفراط، والحل دايمًا تاكلها مسلوقة أو مخلوطة بزبادي غني بالكالسيوم.

· ممنوعة قطعياً بجرعات علاجية على الحوامل

مركباتها بتنشط انقباضات عضلات الرحم، وده ممكن يشكل خطر مباشر للإجهاض أو الولادة المبكرة

· أخطر سر:

علمياً الرجلة تُصنف كـ (Hyperaccumulator)؛ نبتة بتزرعها المعامل عشان "تنضف التربة" بامتصاص الرصاص والكادميوم والمعادن الثقيلة!

إياك تقطف رجلة طالعة لوحدها على جوانب الطرق السريعة ومصارف المياه لأنها بتكون شبعانة عوادم سيارات ومبيدات، لازم تشتريها من بياع خضار موثوق أو مزارع نظيفة فقط.