ورا كل باب حكاية - زهور المعرفة

ورا كل باب حكاية

***************

دخلت سيدة محل بيع وقالت لصاحبه : معلش بعد إذنك خلي الكيس ده عندك لغاية ما أروح مشوار وأرجع. أخذ صاحب المحل الكيس وشاله في المحل ، لكن السيده لم ترجع لا بعد ساعة ولا بعد يوم ولا إتنين . ولما مضي إسبوع أصاب الراجل القلق والفضول ، وقال أفتح الكيس وأشوف فيه إيه ؟ فتح الكيس و وجد به بيجامة أطفالي جديدة في كيسها وورقة مكتوب فيها ( سامحنى ، أنا سرقت البيجامة دى من عندك قبل العيد علشان مكنش معاية فلوس وكنت عايزة أفرح بنتى . لكن بنتى ماتت يوم الوقفة ، أبوس إيدك سامحنى وإدعلها بالرحمة ، للأسف هذه هى الحياه بكواليسها وبواطنها الأكبر بكتير من ظاهرها . ان ما تراهُ جميل علي بنت او ولد وراءه تضحية كبيرة وحرمان من أبوهم و أمهم ، الفرح الذي تذهب إليه ولايعجبك في الغالب العريس يكون سالف الفلوس أو داخل في جمعية تقطم الوسط علشان يعملك الفرح إللي مش عاجبك ده ، جهاز العروسة إللي مش عاجبك وحَضرتك و حضرتِك بتتريقي عليه ده أبو العروسة ماشي بجزمة دايبة وعمل أقصي ما تتخيل علشان يفرح بنته ويسترها وسط الناس . الراجل إللي واقف في السوق مش لابس كمامة وحضرتك بتتريق علي وعيه ، ده في الغالب سايب خمس عيال في البيت ونازل يحارب في الدنيا فى الظروف دى علشان يرجع لهم آخر النهار بأكلهم وشربهم ، يعنى الدنيا مش فارقه معاه ، وحتى العربيات الفخمة إللي بتعدى عليك والله ورا كل عربية منهم حكاية إنت متعرفش عنها حاجة . يا إما صاحبها تعيس في حياته وباله مش مرتاح أو مريض مرض مزمن وماشي بالعلاج أو عنده مشاكل الدنيا والآخرة أو جايبها بالقسط وممكن يتحبس . وغيروا وغيروا وغيروا . ورا كل باب حكاية حزينة محدش يعرف عنها حاجة ، انت لا تري إلا أحد نصفيها .