دولة المعاشات والحج - زهور المعرفة

دولة المعاشات والحج

***********

الحججاج كثيرون والحج قليل، وقبل ان تقول لمن حج: “حج مبرور وسعي مشكور” اسألوا أولا فلوس الحج جاية منين؟ والدعوات اللي وراه شكلها إيه؟ وإزاي ملايين من أصحاب المعاشات التعبانين الشقيانين عمر كامل، ولسه بتجري ورا حقها في العلاج والزيادة والكرامة يطلع يحج ويتصور وكأنه ملاك نازل من السماء؟، الحج مش رحلة VIP ، الحج رد مظالم قبل ما يكون طواف وسعي ، الحج إنك تنام وضميرك مرتاح إنك ماكسرتش قلب أرملة، ولا ضيعت حق مريض ولا أكلت حق واقف على باب الصيدلية مش عارف يجيب علاجه، وكما قالوا أهم شروط الحج المال الحلال ورد الحقوق لأصحابها وساعتها بس تقول لبيك اللهم لبيك، أما اللي رايح وورا ظهره دعوات المقهورين، ودموع الغلابة، وأولاد بلا زواج والجحه اللي عاوزه تحج مره تانيه آهات المرضي سيسمعون، لا لبيك ولا سعديك، 12 مليون صاحب معاش كل بيت فيهم عنده حكاية وجع، واحد معاشه مايكفيش علاج أسبوع، وواحدة أرملة بتعدي الشهر بالسلف، ورجل أفنى عمره في خدمة البلد وفي الآخر يقف مذلول عشان حقه، وبدل ما المسؤول يحل مشاكل الناس ويشوف المظالم اللي في رقبته قرر يطلع حج! يا سبحان الله هو ربنا محتاج صورك عند الكعبة؟، ولا محتاج منك ترجع الحقوق لأصحابها الأول؟ تخيل المشهد وأنت واقف تدعي عند الكعبة وفي نفس اللحظة ملايين المظلومين بيدعوا عليك تفتكر أي الدعوتين أقرب للسماء؟، زادك حرام، وراحلتك حرام، وحق الغلابة اللي في رقبتك، ولا ألف حجة هتمسح دعوة مظلوم واحد اتقهرت حياته بسبب قراراتكم. يا كُل صاحب معاش له مظلمة عند المعاشات وكل أم وأرملة ومريض اتكسر بخاطرهم بسبب الفقر والذل، دعاؤهم سابقك قبل ما توصل مكة، الحج ليس بالمنصب ولا بالنفوذ ولا بفلوس مأخوذة من تعب الناس، الحج قلب نضيف ويد ما فيهاش حقوق حسبنا الله ونعم الوكيل في كل مسؤول نسي الغلابة وافتكر إن الدعاء عليه ما بيوصلش.