مريض السكر في رمضان - زهور المعرفة

مريض السكر في رمضان

*************

كل سنة ومع دخول رمضان، يوجد نوعين من مرضى السكر:
النوع الأول:
"أنا صومت السنة اللي فاتت ومحصليش حاجة… يبقى خلاص أنا تمام!"
وده غالبًا بيكون ناسي إنه نام اليوم كله وما اتحركش

النوع التاني:
"أنا خايف أصوم… السكر ممكن يزعل مني! وده بيكون غالبًا أذكى شوية
الحقيقة الطبية المهمة:
أولًا: هل مريض السكر ينفع يصوم؟
الإجابة: آه… بس مش كل المرضى، ومش بدون قواعد.
يوجد مرضى ينفع يصوموا بأمان، ومرضى لا يُنصح لهم بالصيام إطلاقًا.
لا يُنصح بالصيام في الحالات التالية:1- سكر غير منتظم بشدة
2- هبوط متكرر في السكر 3- استخدام الإنسولين بجرعات متعددة مع عدم استقرار السكر 4- حدوث مضاعفات حديثة (زي غيبوبة سكر أو حموضة كيتونية) 5- كبار السن مع أمراض مزمنة أخرى خطيرة ، لأن الهدف من الصيام عبادة وليس اختبار تحمل للجسم.
ثانيًا: أخطر حاجتين أثناء الصيام
1- هبوط السكر (الأخطر)
و يظهر في صورة: - دوخة – عرق – رعشة – زغللة - خفقان
أوفقدان وعي
لو السكر أقل من 70 mg/dLلازم الإفطار فورًا، ومفيش حاجة اسمها "هستحمل لحد المغرب"
2- ارتفاع السكر:- بسبب: الإفطار على حلويات كتيراو الإفراط في الأكل
او عدم ضبط الجرعات
ثالثًا: أهم نصائح لمريض السكر في رمضان
- قياس السكر بانتظام وقياس السكر لا يفطر بالمناسبة… الجهاز مش بيحط سكر، هو بياخد
- الإفطار يكون تدريجي: ابدأ بالمياه ثم التمر (1–2 فقط مش) ثم وجبة متوازنة
- تجنب: الحلويات بكميات كبيرة - العصائر المحلاة - الأكل الدسم جدًا
- شرب كمية كافية من المياه بين الإفطار والسحور
- السحور مهم جدًا
أفضل سحور: بروتين (بيض / زبادي) - كربوهيدرات معقدة (خبز بلدي)
وتجنب السكريات
رابعًا: إمتى تفطر فورًا؟
لو السكر أقل من 70 - لو السكر أعلى من 300 - لو في أعراض هبوط واضحة - لو في دوخة شديدة أو تعب
الصيام لا يجوز أن سبب ضررًا للجسم.
أهم رسالة:
مريض السكر ممكن يصوم ويعيش رمضان بأمان لكن بشرط:
متابعة الطبيب - متابعة السكر- تنظيم الأكل - وضبط العلاج