أرمي همومك علي الله ربـك معـاك

 

أرمي همومك علي الله

ربـك معـاك

*********

إمبارح الساعه ١٢ بالليل وانا راجع من الشغل بعد ما وصلت البيت أفتكرت ان مافيش اكل فى البيت

، دخلت الشقه وسيبت الشنطه ونزلت تانى عشان اجيب أكل . وصلت عند البقال لقيت واحد كبير فى السن

ومعاه عيل صغير ، والواد الصغير بيزعق معا ه ، سمعت الراجل بيقوله :  احنا مش معانا غير عشره جنيه

هانجيب علبة جبنه وبجنيه عيش وجنيه تشترى لنفسك كيس كراتيه وتلاته جنيه نفطر بيهم بكره، والواد

مصمم انه ياخد العشره جنيه كلها يشترى بيها لعبه عجباه .

المهم الواد كان مضايق قوى ، والراجل الكبيره غلبان جداً ومش عاوز يزعله ويكسر بخاطره، فقال له:

بكره تجيلنا فلوس وهاجيبلك اللى انت عاوزه  .

 انت كل مره بتقول كدا ومافيش حاجه بتيجى  .

 ماتقلقش خلى ثقتك فى ربنا كبيره انه يقدر يفرحنا ويبعتلنا فلوس  .

الولد ساعتها بص للراجل بصه غريبه قوى وحط ايديه فى جنبه وقاله : طيب ماتخلى انت ثقتك فى ربنا

كبيره وهات العشره جنيه اجيب اللعبه وهو يرزقنا بعد كدا ، الراجل اتثبت بعد ما سمع الكلمتين دول

لكن انا كان عندى فضول شديد جدا اعرف رده هايكون ايه على الولد ، فأخده من ايديه بإبتسامه حلوه كده

وقاله عندك حق تعالى ، وراح جابله اللعبه اللى عاوزها  .

الولد فتح اللعبه فوقعت منها ١٠٠ مائة جنيه  . بعد اندهاش الراجل من الفلوس اللى وقعت  عرفت ان اللعبه

فيها مكسب لما تفتحها، ضحك البقال وقال للراجل: الواد اللى معاك مرزق، كل العيال بتكسب حلاوه ولبان

وهو كسب فلوس، ضحك الراجل وقاله: لا وانت الصادق ، ربك ماحبش يكسفنى قدامه .

 

• Tweet
• شارك
• شارك
• شارك
• شارك

Sign up here with your email