الستـر والمـذلة************ يحكي صديقي أنه كان يوصل زوجته الي عملها وهو في
طريقه الي عمله وكان أمام عملها بائع جرائد، كان يشترى منه جرنال الاهرام ويتصفح
الباقي يومياً حتي تآلفا، و سألته في أحدالمرات: ازيك النهاردة؟ فقال: "في نعمة الستر". فاندهشت
من الإجابة وسألته : ليه الستر تحديدا ؟ قال : لأني
مستور من كله. فقلت له :ستر ايه يا حج ده إنت البلوڤر بتاعك فيه رقعتين مختلفين اللون
فلما أحس بغبائي بادر بالشرح و قال الستر ده أنواع :-
لما جيبك يكون فيه جنيه يكفيك تنام متعشي حتي
لو عيش حاف ده ستر من مذلة الجوع .!
لما تكون تملك ملابس تحميك من البرد حتى لو
مرقعة ده ستر من مذلة البرد.!
لما تكون قادر تضحك وأنت حزين لأي سبب ده ستر من
مذلة الكسرة.!
لما تكون قادر تقرأ الجريدة اللي في ايدك ده
ستر من مذلة الجهل.!
لما تقدر تتصل فى أى وقت بأهلك تطمنهم عليك
وتطمن عليهم ده ستر من مذلة الوحدة.!
لما تكون عندك أي وظيفة حتي لو بياع جرايد زى
حالاتي بس مش بتمد ايدك لحد ده ستر من مذلة السؤال.!
لما يكون ابنك ربنا مبارك في صحته وتعليمه
وبيته ده ستر من مذلة القهر.
لما يكون عندك زوجة بنت حلال وشايلة الهم معاك
ده ستر من مذلة كسرة الراجل قدام مراته.!
الستر
يا ابنى *مش ستر فلوس* الستر *ستر نفوس*
تذكر
إنك تملك نعم يتمناها ملايين البشر إنها نعمة الستر.
*جعلنا الله وإياكم من المستورين بستره الجميل* *اللهم
أدم علينا سترك دنيا وآخرة*
*اللهم استرنا بسترك الجميل في الدنيا والآخرة*
Sign up here with your email
ConversionConversion EmoticonEmoticon