مغالطات تاريخيه - زهور المعرفة

مغالطات تاريخيه

*************

🌹 محمد على و اسرته ما كانوش بيتكلموا تركى و لا عربى مكسر و لا بيقولو حظرتونا و لا افنظم .

🌹 الوالى محمد سعيد باشا ما كانش عبيط و ديليسبس ضحك عليه بطبق مكرونة و خد قناة السويس
ده كان حاكم عظيم اول من جعل المصريين ظباط فى الجيش و عمل المشروع اللى مصر عايشة فى خيره لحد النهاردة مشروع قناة_السويس و طبعا ما كانش اسمه الخديوى سعيد لان قبل الخديوى اسماعيل ماكانش فيه لقب خديوى.

🌹الخديوى اسماعيل ما كانش مفرغ حياته للنسوان ( سراياعابدين ) و لا كان بيريل على المظ و عايز ياخدها من عبده الحامولى ، وعبده الحامولى عمل ثورة عليه ( فيلم المظ و عبد الحامولى ) لان عبده الحامولى كان من حاشية الخديوى اسماعيل و كان مقرب منه جداً لدرجة ان بعد عزل الخديوى اسماعيل اعتزل عبده الحامولى الغناء و انسحب من حاشية الخديوى توفيق وفاء للخديوى اسماعيل.

🌹 الخديوى توفيق ما قالش لاحمد عرابى انتم عبيد احساناتنا و لا احمد عرابى كلمه من فوق الحصان و الخديوى واقف على الارض زى ما بيجيبوا فى الصورة العبيطة المرسومة للواقعة دى و الواقعة دى كلها ما اتقالتش الا فى مذكرات احمد عرابى انما كل اللى حضروا الواقعة دى ماقالوش ان ده حصل و غير طبعا انها واقعة مش منطقية أصلا.

🌹 الخديوى عباس حلمى الثانى ما حكمش مصر ساعتين و بعدين شالوه ، ده حكم مصر 22 سنة و كانت كلها انجازات بس لان الانجليزعزلوه والشعب كان بيعشقه فمش هايعرفوا يشوهوه فقرروا انهم ما يجيبوش سيرته خالص و ممكن تراجعوا صفحة التاريخ بالصور.

🌹الملك فؤاد ما كانش شحات و مديون و خامورجى و الهبل ده ، ولا كان حاكم طرطورالانجليز بيحركوه
لانه كان عنده قصور و اراضى و كان مسئول ملف التعليم فى عهد عباس حلمى الثانى و المشرف العام على الجامعة المصرية فى عهد السلطان حسين و كان حاكم عظيم سدد كل ديون مصر و بنى الجيش المصرى باحدث الاسلحة و توسع فى التعليم اللى هو لعبته وعمل قفزة اقتصادية و فى عهده كانت القاهرة اجمل مدينة فى العالم تابعوا مركز كنوز لحماية التراث الثقافى و اتفرج على مصر فى عهده.

-🌹مفيش حاجة اسمها الاسلحة الفاسدة
لان الموضوع بشهادة سعد الدين الشاذلى كانت اسلحة حديثة و متطورة و لم يدرب عليها الجيش المصرى و دى كانت القضية و المحاكمات اللى عليها لانهم ما دربوش الظباط و الجنود على الاسلحة مش لانها بايظة و لا بتضرب لورا زى ما جابوا فى الافلام.